Wayah Atis

* Hikmah Beda-Bedane Cuaca

Masih kegawa hawa umah sing panas, wajar bae ari akeh batur Bocah Dermayu sing lara pas teka ning Pondok, ya wajar bae, soale pondoke reang kuh ana ning pegunungan sing atise bli kejagan, apa maning ari jam 12 bengi munjuk, huuh kaya di kulkas bae rasane, ditambah maning ari wayah udan teka, ora kewayang atise.

Alhamdulillah ari reang kuh di paringane kaya panas, demam lan liyane mah ora, mung larane lara untu, ari lagi kumat lara untune, masyaallah, mending gah lara ati dari pada lara untu, iya iku mah jare wong sing lagi lara untu, jare wong sing lagi lara atine, ya mending lara untu dari pada lara ati, dadi endi sing mending?.

Jarene mah Pondoke reang kuh paling gede se-jawa tengah, dudu sih reang sombong ya, mung niat tahadus binni’mah, ora dadi sombong, malah dadi olih ganjaran, reang wis Mondok ning kene sekitar  limang tahunan, Kiai-ne reang arane Kiai Masruri Abdul Mughni, kang nembe ninggal dunia wingi tanggal 20 November 2011 ning Madinah Al-Munawwaroh, lan di kubur ning pemakaman Baqi sekitar Mesjid nabawi, parek makame kanjeng Nabi SAW.

Balik maning ning wayah atis, ari wayah bengi teka, anginne semliwir, kaya-kaya manjing meng jero pulung ati, umbahe luh ari awan panase bli kejagan, ‘ya kaya kenen nasibe bocah pesisir sing urip ning pegunungan’, jare salah sijine bature reang.

Sing kejadian mau kuh kita kudu njokot pelajaran kang banget pentinge kang, apa pelajarane, yaiku gusti Allah banget adile, bisane ana perbedaan cuaca ning setiap daerah kun kuh salah sijine Rohmate Gusti Allah meng mahluke, kaya sing di jelasaken ning Syekh Musthofa Al-Maroghi ning Tafsir Al-Maraghi:

”Bahwasane ning langit iku ana sabab-sababe Rezekine sira kabeh yaiku di sebabaken anane serngenge lan wulan, anane planet-planet lan anane panggonan terbit lan surupe serngenge mau kuen kabeh kuh nyebabaken anane perbedaan cuaca(ning setiap daerah), nah, karna anane perbedaan cuaca mau, cukul tumbuhan kang beda-beda”,

Nuh, wis jelas pisan kan, bahwa anane perbedaan cuaca unggal daerah iku semata-mata merupakan Rohmate Allah Ta’ala meng mahluke kang ora mampu apa-apa kecuali karna pitulunge Allah Ta’ala.

Sebenere ya kang, ning Al-Qur’an iku Ilmu apa bae ana, biologi, fisika, geografi, falak lan masih pirang-pirang ilmu sing sejene, mung kitane bae sing ora gelem ngrenungi lan mlajari apa sing ana ng kana.

Al-Qur’an iku ari basa blogger-e mah ‘tutorial’ kanggo menungsa kabeh, ambir aja nyimpang sing dalane gusti Allah, mung sepisan maning tek omongna, menusane bae sing ora gelem mlajari apa sing ana ning Qur’an iku.

Ya moga-moga kita kabeh di paring bisa mlajari lan ngrenungi makna-makna kang ana ning Al-Qur’an mau.

Wallahu A’lam.

Facebook Comments

   

  2 Responses

  1. ga ngerti bahasanya …

    Nurul Imam - November 28th, 2011 at 9:15 am      
  2. amien ya allah…
    smoga saja smua org bisa menikmati apa yg dberikan oleh ALLAH, entah hujan, panas…atau dll..hehehehehe

    dloen - December 13th, 2011 at 7:10 am